இன்றுடன் (22/8/2009) ஜெயா டிவி பத்து வருடங்களை முடித்து பதினொராவது வருடத்தில் அடி எடுத்து வைக்கிறது.

இன்று காலை முதல் இந்த சாதனை  சார்ந்த விளம்பரங்களும், பிரபலமானவர்களின் (சோ, சச்சு, இந்து முன்னணி ராம கோபாலன், மூ.மு.க. சேதுராமன், Y.Gee. மஹேந்திரா, அதிமுகவை ஆதரிக்கும் முஸ்லீம் லீக் பிரிவின் தலைவர்) வாழ்த்துக்கள் ஆகியவை நிகழ்ச்சிகளுக்கிடையே காணக்கிடைத்தது.

உண்மையில் இது பெரிய சாதனையா? கொஞ்சம் யோசித்து பார்த்தேன்.  ஜெயா தொடங்கி பத்து வருடங்கள் என்றால், 1999 தொடங்கப்பட்டது.

என்ன சொல்லி சப்பை கட்டினாலும், ஜெயா ஒரு கட்சி சார்ந்த ஊடகமாகவே இருந்து வந்திருக்கிறது.  அதனால் ஜெயா டிவிக்கு கட்சிக்காரர்களிடம் வரவேற்பு இருந்தாலும் ஒரு நிறுவனமாக பார்க்கும் போது கட்சி முத்திரை என்பது பின்னடைவுதான் தரும்.

பத்து வருடங்களில், பத்துக்கு பத்து மத்தியில் சாதகமான ஆட்சி இல்லாததும், பத்தில் ஐந்து மாநிலத்தில்  எதிர்கட்சி என்பதும், கட்சி சார்ந்த ஒரு ஊடகத்துக்கு சாதகமானதில்லை.

மக்கள் தொலைக்காட்சியையும், தமிழ் செய்தி தொலைக்காட்சி சேனல்களையும் நீக்கி விட்டு பார்த்தால் அனைத்து தமிழ் சேனல்களும் 75% சினிமா சார்ந்தே செயல்படுகின்றன.

சினிமா சார்ந்து செயல்படுகையில், பிரபல நடிகர், நடிகைகளின் ஆதரவு, அவர்களின் படங்கள் ஆகியவை இல்லாமல் தொலைக்காட்சியை நடத்துவது கடினம்.

பிரபல நடிகர்களில் பலரும் திமுக சார்பாக இருப்பதாலும், சிலர் அதிமுக சாயம் படாமல் இருக்க நினைப்பதாலும், மேலும் சிலர் திமுக குடும்பம் / சன் பலம் வாய்ந்த சன் குழுமத்தை பகைத்துக் கொள்ளாமல் இருக்க நினைப்பதாலும் அதிமுக சாயம் கொண்ட ஜெயாவுக்கு அவர்களின் ஆதரவு என்பது மிகக் குறைவுதான். அரசியல் சார்பில்லாததால் இந்த பிரச்சினை விஜய், ராஜ் போன்றவற்றுக்கு இல்லை.  மிக அதிக அரசியல் சார்பும், அதிகார பலமும் இருப்பதால் கலைஞர் தொலைக்காட்சிக்கும் இந்த பிரச்சினை இல்லை.

ரஜினி, கமல், சத்யராஜ், சரத்குமார், வடிவேலு, விவேக் போன்றவர்கள் ஜெயா நிகழ்ச்சியில்  காணக்கிடைப்பது மிகவும் அபூர்வம்.  எனக்கு தெரிந்து இவர்கள் ஜெயாவில் தோன்றியது வீரப்பன், வீராணம், வீசிடி குறித்து ஜெயலலிதாவுக்கு நடந்த பாராட்டுவிழா ஒளிபரப்பில்தான். அதிலும் சத்யராஜ் தோன்றவில்லை என்று நினைக்கிறேன்.

இது தவிர, சன் தன் பணபலம் கொண்டு சிறப்பான வியாபார யுக்தியாக 80 சதவீதத்துக்கும் மேற்பட்ட பிரபல படங்களை “இந்தியத் தொலைக்காட்சிகளில் முதல்முறைக்காக” வாங்கிவிடுவதால் அது போன்ற படங்களை திரையிட்டு பார்வையாளர்களை ஜெயாவால் ஈர்க்க முடிந்ததில்லை. சன்னே ”இந்தப் படம் தொலைக்காட்சிக்குக்கூட லாயக்கில்லை” என்று ஒதுக்கிய படங்கள்தான் ஜெயாவை அடைந்திருக்கிறது.

இப்படிப்பட்ட ஒரு நிலையில், ஜெயா நிர்வாகம் மிகத் திறமையாக செயல்பட்டு, திட்டமிட்டு தனக்கென ஒரு பாதையை வகுத்துக் கொண்டது.

பிரபல நடிகர் நடிகைகளோ, படங்களோ கிடைக்காது என்ற நிலையில், எம்.ஜி.ஆர்., ஜெயலலிதா படங்கள், பாடல் கட்சிகளை வைத்துக்கொண்டும், பெரும்பாலும் பிரபல நடிகர், நடிகைகள் தேவையில்லாமல் சினிமா நிகழ்ச்சிகளை அமைத்துக்கொண்டும்,   பலதரப்பட்டவரையும் கவரும் ஜனரஞ்சகமான, சினிமா சாராத நிகழ்ச்சிகளை ஒளிபரப்பியும் ஜெயா வெற்றி கண்டிருக்கிறது என்று சொல்லலாம்.

என் நினைவில் நின்ற/ நிற்கும் ஜெயா நிகழ்ச்சிகள்:

1. வீட்டுக்கு வீடு லூட்டி (’தமிழ் தொலைக்காட்சிகளில் முதல்முறையாக” சிறப்பான நகைச்சுவை தொடர்.  என் பள்ளி நண்பன் (சுதேசி ஐயர் சூப்பர் ஹிட் மேடை நாடகம் எழுதிய) சித்ராலயா ஸ்ரீராம்  சில தினங்களுக்கு வசனம் எழுதியிருக்கிறான் என்பதில் எனக்கு கூடுதல் மகிழ்ச்சி)

2. சஹானா

3. சவால்

4. கிச்சு கிச்சு டாட் காம்

5. கோலிவுட் கோர்ட் (அபிஷேக்கு சபாஷ்)

6. இதயம் வெல்த் 20/20

7. ஜாக்பாட்

8. சிம்ரன் திரை

9. ஹாசினி பேசும்படம்

10. SPB – என்னோடு பாட்டு பாடுங்கள்

11. திரும்பிப் பார்க்கிறேன் (போன வாரம் 1-ல் குறிப்பிட்ட என் நண்பனின் அப்பா சித்ராலயா கோபு ஆர்பாட்டமில்லாமல், அடக்கமாக திரும்பிப் பார்த்தார்)

12. சொக்குதே மனம்

13. தேன்கிண்ணம் / சிறப்பு தேன்கிண்ணம்

14. நேர்முகம் (ரபி பென்னார்ட்)

15. எங்கே பிராமணன்

16. மார்கழி மகோத்ஸ்வம்

17. சுப்ரபாதம் (தினமும் விடிகாலையில்)

18. ஜெயா செய்திகள் – எதிர்க்கட்சி நிலையில் இருந்து அரசியல் செய்திகளுக்காக

19. செல்லமே, செல்லம்

ஏதேனும் விட்டிருந்தால் பின்னூட்டத்தில் சேர்த்துவிடுங்கள்.

Most Commented Posts

• Satyam fraud, unravelling the mystery (85)
• Ravi my favorite to win Super Singer 2008 (39)
• தமிழகத்தை குவைத் ஆக்கும் திமுக (28)
• Jai Ho – Wishes to Mozart of Madras (25)